Qazaqstan • 01 Shilde, 2020

Shetelden kele almaı qalǵan "bolashaqtyqtarǵa" 66,4 mln teńge shákirtaqy tólendi

220 ret

kórsetildi

1 mın

oqý úshin

2020 jylǵy 28 naýryzda "Bolashaq" halyqaralyq stıpendııasy boıynsha shyǵystar normalaryn, oqýǵa jáne taǵylymdamadan ótýge úlgilik sharttardy bekitý týraly" Qazaqstan Respýblıkasy Bilim jáne ǵylym mınıstriniń 2012 jylǵy 13 sáýirdegi № 163 buıryǵyna ózgerister engizildi. Bul jóninde halyqaralyq baǵdarlamalar ortalyǵyna silteme jasap Egemen.kz habarlaıdy.

Aqmaral AǴZAMQYZY

Shetelden kele almaı qalǵan "bolashaqtyqtarǵa" 66,4 mln teńge shákirtaqy tólendi

Osylaısha memleket SOVID-19 pandemııasy kezinde baǵdarlama stıpendıattaryna jan-jaqty qoldaý kórsetti.

Atap aıtqanda, oqýdy aıaqtaı otyryp, shekaranyń jabylýy jáne áýe qatynasynyń toqtatylýna baılanysty oqý elderinde amalsyzdan qalǵan 84 stıpendıatqa 66,4 mln teńge kóleminde shákirtaqy tólendi. Olardyń 45 adamy qazirgi tańda Qazaqstanǵa oraldy, al qalǵan 39 adam jaqyn arada qaıtýdy josparlaýda.

Sonymen qatar, SOVID-19 pandemııasy kezinde Qazaqstanǵa kelgen 147 stıpendıat elimizde qashyqtan bilim alýda. Olarǵa 192,8 mln.teńge mólsherinde shákirtaqy tólenip, 20,5 mln teńge mólsherinde oqý elinen Qazaqstanǵa deıingi áýe bıletteri alyndy.

Qazirgi tańda "Bolashaq" baǵdarlamasynyń 592 stıpendıaty shetelde bilim alýda.